Á Hvítárbakka í Borgarfirði hefur verið ýmiss konar starfsemi í gegnum árin. Á Hvítárbakka var t.d. skóli frá árinu 1905 til ársins 1931. Hvítárbakkaskóli var starfræktur með lýðháskólasniði þar til hann fluttist í Reykholt.

Árið 1998 var svo aftur staðsettur skóli á Hvítárbakka en hann var í tengslum við Meðferðarheimili fyrir unglinga sem var þar staðsett allt fram til ársins 2007.

Einnig hefur verið búskapur og hrossarækt á Hvítárbakka. Nú er allur búskapur lagður af en kornrækt er stunduð þar og túnum haldið við.

Á Vesturlandi eru margir áhugaverðir staðir, sem vert er að skoða og í nágrenni Gistiheimilisins. Þú getur stoppað í nokkra daga og alltaf nóg að skoða - kíktu á þessa síðu

Nokkrir áhugaverðir staðir og fjarlægðir frá Gistiheimilinu:

Ullarselið á Hvanneyri - 15 km fjarlægð

Deildartunguhver - 16 km. fjarlægð

Reykholt og Snorralaug - 20 km fjarlægð

Hraunfossar - . 37 km fjarlægð

Víðgelmir í Fljótstungulandi - 50 km fjarlægð

Surtshellir í Hallmundarhrauni - 57 km fjarlægð

Grábrók og Baula - 40 km.

Sundlaugar eru nokkrar - sundlaugin í Borgarnesi í 30 km fj. og sundlaugin á Kleppjárnsreykjum í 15 km fj. þá er Hreppslaug í 15 km fjarlægð og sundlaugin í Húsafelli er í ca. 40 km fjarlægð.

Rétt fyrir utan Borgarnes er einn fallegasti golfvöllur landsins. Einnig er golfvöllur í Húsafelli.

Veiðiár eru ekki ófáar í Borgarfirði og má þar nefna Grímsá í aðeins 5 km fjarlægð, Andakílsá í 8 km fjarlægð, Flókadalsá í 5 km fjarlægð. Þá eru ýmiss vötn ekki svo langt frá eins og Blundsvatn í 4 km fjarlægð, Reyðarvatn í Lundareykjadal, Skorradalsvatn og fl.